| Ecco che finalment compar ona figura luminosa: Carlo Borromeo. EI
Papa
Pio IV, che non l'era che'l milanes Giovanni
Angelo de' Medici, fradèll del gran capitan Gian Giacom, el
podeva minga cèrt fagh on regal miglior al so Milan de quèll
de dagh come Arcivèscov Carlo Borromeo. El gh'aveva vintises ann
quand l'ha ciappaa el governo de la diocesi al vintises Settember del 1565.
Appèna Carlo Borromeo l'è staa faa Arcivèscov de Milan,
l'ha voltaa subit indree i manegh, come disom num in bon milanes, incominciand
a rugagh denter in del famoso Ordin degli Umiliati che l'andava vèrs
la corrruzion, e l'ha pensaa ben de riformall de sana pianta. Se pò
immaginass el vèspee che hann traa in pee, vedendes costrètt,
d'ora innanz, a fa la vera vita monastica. Dopo di paroll hinn passaa ai
fatti e quatter religios Umiliati, hann cercaa de fagh la pèll e
vun de lor, on certo Farina, vèrs la voeuna de nott el se porta
a l'entrada de la Capèlla davanti a la qual el Borromeo l'era adree
a pregà, el fa passà la canna del sciopp da la filidura de
la porta che l'era avèrta, e come nient, el lassa andà el
colp!... Per fortuna che la balla la g'ha appèna sfrisaa la pèll!
L'assassin cont i so complici hinn scappaa, ma hinn poeu staa ciappaa tucc
e quatter e g'hann avuu quéll che se meritaven. Dopo on fatt simil,
el Papa Pio V l'ha sopprèss l'ordin degli Umiliati, dandegh al Borromeo
la facoltà de adoperà i minga pocch beni che gh'aveven
e lu, subit, l'ha faa fa su el Seminari, l'orfanotrofio della Stella che,
come tucc savii, gh'è denter i Stellinn, e poeu i convent de Santa
Marcellina, de Sant Agostino Bianco e de Santa Sofia. E, come se'l fudèss
minga assee, l'ha faa fabbricà el Palazz de l'Arcivèscovaa
e la Congregazion degli Oblati cont la bèlla gesa de Rho. Malgrado
tutt el gh'aveva di nemis e specialment i canonich…! Ma l'ha savu ben lu
mètti a pan e pèssin come se doveva. El straordinari concors
de gent andada a Roma per el Giubileo l'ann prima, l'ha spantegaa la pèste
famosa del 1577. E l'è propi in st'epoca chi che Carlo Borromeo,
pussee che on omm, el par on sant. Milan l'era diventada squallida perchè
per lo men duu tèrz di abitant eren scappaa e l'alter tèrz
el s'era intanaa in ca, dove ghe portaven quèll pocch mangià,
e per la strada non se sèntiva che'l frecass di carr di mort...
e i mort hinn staa dersètt mila. El Borromeo el se faseva in quatter
perchè nissun de quij pover appèstaa avèss de
morì senza confort de la religion e nissun dovèss vèss
vittima nè de la famm ne de là disperazion. Lu no'l faseva
che girà per el Lazzarètt a ricev i appèstaa. E eren
minga bèi riceviment sicur. Gracil de salut come l'era, i continov
strappazz, i grand digiun e i grand penitenz che'l se imponeva, g'hann
troncaa la vita al trii de November del 1584, a domà quarantases
ann! Vintises ann dopo l'è staa canonizzaa da Paolo V che l'ha vorruu
che la soa salma la rèstass ai milanes. E infatti quèlla
gran reliquia la riposa, venerada de tucc, in ona capèlla sottèrranea
del Domm. Va, a l'Arcivèscovaa, al post de S. Carlo Borromeo, mon
scior Gaspare Visconti. Durant la pèste el Corpo Civico l'aveva
faa on voto che l'ha poeu mantegnuu, dandegh ordin a l'architètt
Pellegrin de fa su la gesa de S. Sebastian incoeu monument nazional. |
Computers
